Dweep Diary

അഗത്തി: ത്രിദിന സന്ദർശനത്തിനായി ഉപരാഷ്ട്രപതി ജഗ്ദീപ് ധൻകർ ഇന്ന് ലക്ഷദ്വീപിലെത്തും. അദ്ദേഹത്തിന്റെ അദ്യലക്ഷദ്വീപ് സന്ദർശനമാണിത്. ഇന്ന് അഗത്തിയിൽ നടക്കുന്ന പൊതുപരിപാടിയിൽ  ഉപരാഷ്ട്രപതി നിരവധി പദ്ധതികൾ ഉദ്ഘാടനം ചെയ്യും. അഗത്തി പഞ്ചായത്ത് സ്റ്റേജിലാണ് ചടങ്ങുകൾ. ഞായറാഴ്ച സ്വാശ്രയ ഗ്രൂപ്പുകളിലെ അംഗങ്ങളുമായും ഗുണഭോക്താക്കളുമായും ഉപരാഷ്ട്രപതി സംവദിക്കും. ഉപരാഷ്ട്രപതിയുടെ സന്ദർശനത്തിന്റെ ഭാഗമായി അഗത്തി, ബംഗാരം, തിണ്ണകര എന്നീ ദീപുകളുടെ ചുറ്റുവട്ടത്ത് മത്സ്യബന്ധനം സർക്കാർ നിരോധിച്ചിട്ടുണ്ട്. വലിയ സുരക്ഷാ സംവിധാനങ്ങളാണ് ഉപരാഷ്ട്രപതിയുടെ സന്ദർശനത്തോടെ അനുബന്ധിച്ച് അകത്തിയിൽ ഏർപ്പെടുത്തിയിരിക്കുന്നത്.

കേന്ദ്രസർക്കാർ ജീവനക്കാരുടെ ശമ്പളം പരിഷ്കരിക്കുന്നതിനുള്ള എട്ടാം ശമ്പള കമ്മീഷന് അംഗീകാരം നൽകി കേന്ദ്രം. പ്രധാനമന്ത്രി നരേന്ദ്രമോദിയുടെ അധ്യക്ഷതയിൽ ചേർന്ന യോഗമാണ് ശമ്പള കമ്മീഷൻ അംഗീകാരം നൽകിയത്.ഇതുമായി ബന്ധപ്പെട്ട ചെയർമാനും രണ്ട് അംഗങ്ങളും അടങ്ങുന്ന കമ്മീഷനെ ഉടൻ നിയമിക്കുമെന്ന് കേന്ദ്രമന്ത്രി അശ്വിനി വൈഷ്ണവ് അറിയിച്ചു. 50 ലക്ഷത്തോളം വരുന്ന കേന്ദ്രസർക്കാർ ജീവനക്കാരുടെ ശമ്പള ഘടന പരിഷ്കരിക്കുക ലക്ഷ്യമിട്ടാണ് ശമ്പള കമ്മീഷൻ രൂപീകരിച്ചത്. സർക്കാർ ജീവനക്കാരുടെ അടിസ്ഥാന ശമ്പളം അലവൻസുകൾ, പെൻഷൻ മറ്റാനുകൂല്യങ്ങൾ തുടങ്ങിയവയിൽ പരിഷ്കരണം കൊണ്ടുവന്നേക്കും. 2016 ജനുവരിയിൽ…

കൊച്ചി: കൊച്ചിയിൽ നിന്നും ചേത്ത് ലാത്ത് ദ്വീപിലേക്ക് യാത്ര ചെയ്യാൻ കപ്പൽ കയറിയ 40% ഡിസേബിലിറ്റിയുള്ള കുട്ടിയുടെ സീറ്റിൽ മറ്റൊരു യാത്രക്കാരൻ .ചേത്ത്ലാത്ത് ദ്വീപിലെ ഹുസൈൻ മൻസിൽ മുഹമ്മദ്ശറഫുദ്ദീൻ്റെ മകൾ ശഫ് ന ശറഫിന് ജനുവരി 4 ന് ലക്ഷദ്വീപ് ഭരണകൂടം എമർജൻസി ക്വാട്ടയിൽ സെക്കൻ്റ് ക്ലാസ് ടിക്കറ്റ് ( ക്രമനമ്പർ 6) അനുവദിച്ചു. ഇത് പ്രകാരം സെക്കൻ്റ് ക്ലാസ് 10 ന് ടിക്കറ്റും ലഭിച്ചു. 5. 1.2025 ന് കൊച്ചിയിൽ നിന്നും യാത്ര പുറപ്പെട്ട എം.വി.ലഗൂൺ…

തിരുവനന്തപുരം: കേരള, ലക്ഷദ്വീപ് എൻ.സി.സി.യുടെ അഡിഷണൽ ഡയറക്ടർ ജനറലായി മേജർ ജനറൽ രമേഷ് ഷണ്മുഖം ചുമതലയേറ്റു. കരസേനയുടെ 1989 ബാച്ചിലെ കോർപ്‌സ് ഓഫ് ഇലക്‌ട്രോണിക്സ് ആൻഡ് മെക്കാനിക്കൽ എൻജിനിയേഴ്സിലെ ഉദ്യോഗസ്ഥനാണ്. ബാറ്റിൽ ടാങ്കുകൾ, ഒപ്റ്റോ ഇലക്ട്രോണിക് സിസ്റ്റംസ്, സെക്യുർ ഓപ്പറേറ്റിങ് സിസ്റ്റം എന്നിവകൂടാതെ കരസേനയുടെ മറ്റു പദ്ധതികളിലും പ്രധാന പങ്കുവഹിച്ചിട്ടുണ്ട്. സൈന്യത്തിന്റെ പ്രധാന യുദ്ധ ടാങ്കുകൾ നവീകരിക്കുന്ന ഡൽഹിയിലെ 505 ആർമി ബേസ് വർക്‌ഷോപ്പിന്റെ കമാൻഡറായിരുന്നു. ആർമി ആസ്ഥാനം, നോർത്തേൺ കമാൻഡ്, ഇ.എം.ഇ. സ്കൂൾ വഡോദര, സെക്കന്തരാബാദിലെ…

കൊച്ചി : ലക്ഷദ്വീപ് തീരത്ത് നിന്നും 1526 കോടിയുടെ ഹെറോയിൻ പിടിച്ച കേസിൽ മുഴുവൻ പ്രതികളെയും കോടതി വെറുതെ വിട്ടു. എറണാകുളം ജില്ലാ സെഷൻസ് കോടതിയുടേതാണ് ഉത്തരവ്. കേസിൽ 24 പ്രതികളെയും വെറുതെ വിട്ടു. 2022 മെയ് മാസത്തിലായിരുന്നു 218 കിലോ ഹെറോയിനുമായി 24 മത്സ്യത്തൊഴിലാളികളെ ഡിആർഐ അറസ്റ്റ് ചെയ്തത്. തെളിവുകളുടെ അഭാവത്തിലാണ് പ്രതികളെ വെറുതെ വിട്ടത്.

കവരത്തി: ഇന്നലെ രാത്രി സുഹലി ദ്വീപിലേക്ക് വിനോദയാത്രയ്ക്കായി പുറപ്പെട്ട് കാണാതായ ബോട്ടിനെ കോസ്റ്റ് ഗാർഡ് കണ്ടെത്തി. കവരത്തിയിൽ നിന്നും സുഹലി ദ്വീപിലേക്ക് വിനോദയാത്രയ്ക്കായി പുറപ്പെട്ട മുഹമ്മദ് കാസിം 2 എന്ന ബോട്ടാണ് എൻജിൻ തകരാറിലാകുന്നത് മൂലം കാണാതായത്. ബോട്ടിൽ 55 യാത്രക്കാർ ഉണ്ടായിരുന്നു. ബോട്ട് മിസ്സിംഗ് ആയതിനെ തുടർന്ന് തീരസംരക്ഷണ സേനയുടെ കപ്പൽ തിരച്ചിൽ നടത്തി. ഇന്ന് രാവിലെ കോസ്റ്റ് ഗാർഡ് കപ്പൽ ബോട്ടിനെ കണ്ടെത്തുകയും ബോട്ടിലുണ്ടായിരുന്നവരെ അവരുടെ സുരക്ഷ ഉറപ്പാക്കി കവരത്തിയിലേക്ക് തിരികെ എത്തിക്കുകയും ചെയ്തു.

കവരത്തി: ലക്ഷദ്വീപിലെ യാത്രാ കപ്പലുകളുടെ പ്രതിസന്ധി മൂലം യാത്രക്കാർ നേരിടുന്ന ബുദ്ധിമുട്ടുകൾക്ക് ആശ്വാസമായി എം വി അറേബ്യൻ സി കപ്പൽ സർവീസ് ആരംഭിച്ചു. ഏറെ നാളുകൾക്ക് ശേഷമാണ് എം വി അറേബ്യൻ സി കപ്പൽ വീണ്ടും സർവീസിന് എത്തുന്നത്. നിലവിൽ എം വി ലെഗൂണ്‍ എന്ന കപ്പൽ മാത്രമാണ് സർവീസ് നടത്തിയിരുന്നത്. പതിനാലാം തീയതി മുതൽ എം വി അറേബ്യൻ സി സർവീസ് ആരംഭിച്ചു. വരുംദിവസങ്ങളിൽ എംവി ലക്ഷദീപ് സി കൂടി സർവീസ് ആരംഭിക്കുമെന്ന പ്രതീക്ഷയിലാണ്. എന്നാൽ…