Dweep Diary

ചെത്തലാത്ത്: ബിസ്മി ആർട്സ് ആൻഡ് സ്പോർട്സ് അസോസിയേഷൻ സുവർണ ജൂബിലിയുടെ ഭാഗമായി സംഘടിപ്പിച്ച ലക്ഷദ്വീപ് കിച്ചൻ ആൻഡ് ട്രാവലർ ഇശൽ കിളികൾ റിയാലിറ്റി ഷോ സീസൺ 2 വിജയിയായി കിൽത്താൻ ദ്വീപ് സ്വദേശി മുഹമ്മദ് റിസാൽ. കിൽത്താൻ ദ്വീപിലെ തന്നെ വാജിബ്, സകീയ നിഷാദ് എന്നിവരാണ് രണ്ടും മൂന്നും സ്ഥാനം നേടിയത്. ഡിസംബർ 26-ന് ചെത്തലാത്ത് ദ്വീപിൽ ആരംഭിച്ച റിയാലിറ്റി ഷോയിൽ ആറു മത്സരാർഥികളായിരുന്നു പങ്കെടുത്തത്. ചെത്തലാത്ത് ദ്വീപ് സ്വദേശികളായ റജിത ബാനു, റാബിയ ഫാത്തിമ, സൈഫുദീൻ…

കവരത്തി: ലക്ഷദ്വീപിലെ വിവിധ ദ്വീപുകളിലെക്ക് 2024-2025 അധ്യയനവർഷത്തിനായി സംഗീത-നൃത്ത അധ്യാപകരെ ഗസ്റ്റ് അടിസ്ഥാനത്തിൽ നിയമിക്കുന്നതിനുള്ള അപേക്ഷ ക്ഷണിച്ചു. ആകെ 10 പോസ്റ്റുകളിലേക്കാണ് അപേക്ഷ ക്ഷണിച്ചിരിക്കുന്നത്. കവരത്തി (1), അഗത്തി (2), ആന്ത്രോത്ത് (2), മിനിക്കോയ് (2), അമിനി (1), ചെത്ത്ലാത്ത് (1), ബിത്ര (1) എന്നിങ്ങനെയാണ് ഓരോ ദ്വീപുകളിലെയും ഒഴിവുകൾ.ഓരോ ക്ലാസിനും ₹150 നിരക്കിൽ ₹13,000രൂപയാണ് ഗസ്റ്റ് സംഗീത-നൃത്ത അധ്യാപകർക്ക് ലഭിക്കുന്ന പ്രതിമാസ പരമാവധി ശമ്പളം. പ്രിൻസിപ്പൽമാർക്കും ഹെഡ്മാസ്റ്റർമാർക്കും നിയമന നടപടികൾ ഉടൻ പൂർത്തിയാക്കാൻ നിർദ്ദേശം നൽകിയിട്ടുണ്ട്.

17 November 2024   ആന്ത്രോത്ത്: സമുദ്ര ശാസ്ത്രത്തിൽ പിഎച്ച്ഡി നേടുന്ന ആദ്യ ലക്ഷദ്വീപ്കാരിയായി ഷബീന എം. ലക്ഷദ്വീപ് സമൂഹത്തിലെ മാക്രോ ആൽഗൽ സമൂഹങ്ങളുടെ സോണേഷൻ പാറ്റേണുകളും ഘടനയും വൈവിധ്യവും എന്നതാണ് ഷബീനയുടെ ഗവേഷണ വിഷയം.പിജി കഴിഞ്ഞ് 2014-15 കാലഘട്ടത്തിൽ സ്കൂളിൽ ഫിഷറീസ് ടീച്ചറായി ജോലി ചെയ്തതായിരുന്നു ഷബീനയുടെ ആദ്യ ജോലി. അവസരങ്ങൾക്കുറിച്ച് വലിയ അവബോധമില്ലായിരുന്നപ്പോൾ പിഎച്ച്.ഡി എന്നൊരു സ്വപ്നം പോലും ഉണ്ടായിരുന്നില്ല എന്ന് ശബീന പറഞ്ഞു.ലക്ഷദ്വീപിലെ ഡിപ്പാർട്ട്‌മെൻ്റ് ഓഫ് സയൻസ് ആൻഡ് ടെക്‌നോളജിയിലെ (ഡിഎസ്‌ടി) മറൈൻ സയൻ്റിസ്റ്റായ…

27 December 2024 കൊച്ചി: ലക്ഷദ്വീപ് ഭരണകൂടം അടുത്തിടെ നടപ്പിലാക്കുന്ന പരിഷ്കാരങ്ങൾ ജനഹിതത്തിന് വിരുദ്ധമാണെന്നും ജനവികാരം മാനിച്ചുകൊണ്ട് വേണം ഭരണകൂടത്തിന്റെ വികസന പദ്ധതികൾ നടപ്പിലാക്കേണ്ടതെന്നും ലക്ഷദ്വീപ് എംപി അഡ്വ.ഹംദുള്ളാ സഈദ് പറഞ്ഞു.ലക്ഷദ്വീപ് ആരോഗ്യ മേഖലയിൽ നിന്നും മൂന്ന് ആയുർവേദിക് ഹോമിയോ ഡോക്ടർമാരെയും ലക്ഷദ്വീപ് ടൂറിസം വകുപ്പിന് കീഴിലുള്ള തൊഴിലാളികളെയും പിരിച്ചുവിട്ട നടപടികൾ അനാവശ്യവും ദ്വീപിന്റെ ആരോഗ്യ സാമ്പത്തിക മേഖലകളിൽ ദൂര വ്യാപകമായ പ്രത്യാഘാതങ്ങൾ ഉണ്ടാക്കുന്നതെന്നും അത് തിരുത്താൻ അധികാരികൾ തയ്യാറാവണമെന്നും എംപി ആവശ്യപ്പെട്ടു. ലക്ഷദ്വീപിലെ ജനങ്ങൾ എറണാകുളത്തിൽ…

27 December 2024   അഗത്തി: തിണ്ണകരയിൽ ടെന്റ് സിറ്റി നിർമ്മാണ പ്രവർത്തനങ്ങൾക്കിടയിൽ നിസ്കാരപള്ളി പൊളിച്ചു നീക്കി. ഗുജറാത്ത് ആസ്ഥാനമായി പ്രവർത്തിക്കുന്ന പ്രവേഗ് ലിമിറ്റഡ് എന്ന കമ്പനി നടത്തുന്ന ടെന്റ് സിറ്റി നിർമ്മാണത്തിനാണ് തിണ്ണകരയിലുള്ള ഹുദാ മസ്ജിദും പൊളിച്ചു നീക്കിയത്.തിണ്ണകരയിലെ ടെൻ്റ് സിറ്റി നിർമ്മാണ പ്രവർത്തനങ്ങൾ താൽക്കാലികമായി നിർത്തിവെക്കണമെന്ന് അമിനി സബ് കോടതി ഇടക്കാല ഉത്തരവിട്ടിരുന്നു. ആക്രീറ്റഡ് ലാൻഡിന്റെ ഉടമസ്ഥാവകാശവുമായി ബന്ധപ്പെട്ട് ഹൈക്കോടതിയിൽ കേസുകൾ നടന്നു വരികയാണ്.

28 December 2024   ചെത്തലാത്ത് ദ്വീപിലെ ബിസ്മി ആർട്സ് ആൻഡ് സ്പോർട്സ് അസോസിയേഷന്റെ സുവർണ ജൂബിലിയുടെ ഭാഗമായി സംഘടിപ്പിക്കുന്ന ലക്ഷദ്വീപ് കിച്ചൻ ആൻഡ് ട്രാവലർ ഇശൽ കിളികൾ പബ്ലിക് റിയാലിറ്റി ഷോ സീസൺ 2 ഡിസംബർ 26-ന് ചെത്തലാത്ത് ബ്ലോക്ക് ഡെവലപ്മെന്റ് ഓഫീസർ ജമാലുദ്ധീൻ ഉദ്ഘാടനം ചെയ്തു. ആറു മത്സരാർഥികൾ പങ്കെടുക്കുന്ന പരിപാടി മത്സരവും സംഗീത വിരുന്നും ഒരുക്കിയാണ് ദ്വീപിലെ സദസ്സിനെ ആകർഷിച്ചത്.മുഹമ്മദ്‌ റിസാൽ കിൽത്താൻ, റജീദാ ബാനു ചെത്തലാത്ത്, സക്കീയ നിഷാദ് കിൽത്താൻ, സൈഫുദ്ധീൻ ചെത്തലാത്ത്,…