ചെത്തലാത്ത്: ബിസ്മി ആർട്സ് ആൻഡ് സ്പോർട്സ് അസോസിയേഷൻ സുവർണ ജൂബിലിയുടെ ഭാഗമായി സംഘടിപ്പിച്ച ലക്ഷദ്വീപ് കിച്ചൻ ആൻഡ് ട്രാവലർ ഇശൽ കിളികൾ റിയാലിറ്റി ഷോ സീസൺ 2 വിജയിയായി കിൽത്താൻ ദ്വീപ് സ്വദേശി മുഹമ്മദ് റിസാൽ. കിൽത്താൻ ദ്വീപിലെ തന്നെ വാജിബ്, സകീയ നിഷാദ് എന്നിവരാണ് രണ്ടും മൂന്നും സ്ഥാനം നേടിയത്.
ഡിസംബർ 26-ന് ചെത്തലാത്ത് ദ്വീപിൽ ആരംഭിച്ച റിയാലിറ്റി ഷോയിൽ ആറു മത്സരാർഥികളായിരുന്നു പങ്കെടുത്തത്. ചെത്തലാത്ത് ദ്വീപ് സ്വദേശികളായ റജിത ബാനു, റാബിയ ഫാത്തിമ, സൈഫുദീൻ എന്നിവർ യഥാക്രമം നാല്, അഞ്ച്, ആറ് സ്ഥാനങ്ങൾ നേടി. മത്സരങ്ങൾ മാപ്പിള/ഖീസ്സ പാട്ട്, ലക്ഷദ്വീപിന്റെ നാടൻ പാട്ട്, ഹിന്ദി പാട്ടുകൾ, ഇഷ്ട ഗാനം എന്നിങ്ങനെ നാലു റൗണ്ടുകളിലായാണ് നടന്നത്. നാലു റൗണ്ടുകൾക്ക് ശേഷം എലിമിനേഷനിലൂടെയും അതിനുശേഷം ഫൈനലിലൂടെയുമാണ് വിജയിയെ തെരഞ്ഞെടുത്തത്.
ഒന്നു മുതൽ മൂന്നു വരെ സ്ഥാനം നേടിയ കിൽത്താൻ ദ്വീപ് സ്വദേശികൾ ചെത്തലാത്ത് ദ്വീപിൽ നിന്ന് വിവാഹം ചെയ്തവരാണ്. മൂന്നാം സ്ഥാനം നേടിയ വാജിബ് സിപിഐയുടെ ലക്ഷദ്വീപ് ഘടകം നേതാവ് കൂടിയാണ്.
