Dweep Diary

ലക്ഷദ്വീപ് മുൻ അഡ്മിനിസ്ട്രേറ്റർ ഫാറൂഖ് ഖാനെതിരെ റിക്കവറി വാറണ്ട് പുറപ്പെടുവിച്ചു. ഗാർഹിക പീഡനവും വഞ്ചനയും അടക്കം ഭാര്യ രുചി ചൗഹാൻ നൽകിയ കേസിലാണ് വാറണ്ട്. ഭാര്യയായ റുചി ചൗഹാൻ ഖാന് നൽകേണ്ട പരിപാലനത്തുക നൽകാത്തതിന് കോടതി ഫാറൂഖ് ഖാനെതിരെ റിക്കവറി വാറണ്ട് പുറപ്പെടുവിച്ചു. വിവാഹ സമയത്ത് ഭാര്യയെ ഗുരുതരമായ മാനസികവും ശാരീരികവുമായ പീഡനങ്ങൾക്ക് വിധേയയാക്കുകയും ഒടുവിൽ അവരെ ഉപേക്ഷിക്കുകയും ചെയ്തുവെന്നാണ് കോടതി രേഖകൾ.കൂടാതെ, റുചി ചൗഹാൻ ഖാനെ ലക്ഷദ്വീപിൽ നിന്ന് നിർബന്ധിതമായി നാട് കടത്തുകയും അഭയം തേടിയ…

കോളുകള്‍ വിളിക്കുമ്പോഴുണ്ടാകുന്ന തടസങ്ങള്‍ പൊതുമേഖല ടെലികോം ഓപ്പറേറ്റര്‍മാരായ ബിഎസ്എന്‍എല്‍ ഫെബ്രുവരി മാസത്തോടെ പരിഹരിക്കുമെന്ന് സൂചന. ‘കോള്‍ ഡ്രോപ്’ പ്രശ്‌നങ്ങള്‍ പരിഹരിക്കാനുള്ള ശ്രമങ്ങളിലാണ് ബിഎസ്എന്‍എല്‍ എന്ന് മുതിര്‍ന്ന ഉദ്യോഗസ്ഥന്‍ വ്യക്തമാക്കിയതായി ദേശീയ മാധ്യമമായ ന്യൂ ഇന്ത്യന്‍ എക്‌സ്‌പ്രസ് റിപ്പോര്‍ട്ട് ചെയ്തു. ഫോണ്‍ വിളിച്ചാല്‍ കിട്ടുന്നില്ല, കോളുകള്‍ അപ്രതീക്ഷിതമായി കട്ടാകുന്നു, കോളുകള്‍ മ്യൂട്ടായിപ്പോകുന്നു എന്നിങ്ങനെ നിരവധി നെറ്റ്‌വര്‍ക്ക് പ്രശ്‌നങ്ങള്‍ നിലനില്‍ക്കുന്നതായി ബിഎസ്എന്‍എല്‍ ഉപഭോക്താക്കള്‍ക്ക് വ്യാപക പരാതിയുണ്ട്. 4ജി നെറ്റ്‌വര്‍ക്ക് സ്ഥാപിക്കുന്ന പ്രവൃത്തി ഒരുവശത്ത് നടക്കുമ്പോഴും കോളുകളിലെ പ്രശ്‌നങ്ങള്‍ ബിഎസ്എന്‍എല്‍ വരിക്കാരെ…

അഗത്തി: ലക്ഷദ്വീപ് ഇനി ഇന്ത്യയുടെ മറഞ്ഞിരിക്കുന്ന പറുദീസയല്ലെന്നും ആഗോള വിനോദസഞ്ചാര ഭൂപടത്തിൽ ഉൾപ്പെടുത്തിയിട്ടുണ്ടെന്നും ഉപരാഷ്ട്രപതി ജഗ്ദീപ് ധൻകർ. മൂന്നുദിവസത്തെ ഔദ്യോഗിക സന്ദർശനത്തിന് അഗത്തിയിൽ എത്തിയതാണ് ഉപരാഷ്ട്രപതി. വൈകീട്ട് മൂന്നോടെ അഗത്തി പഞ്ചായത്ത് സ്റ്റേജിൽ സംഘടിപ്പിച്ച പൊതുപരിപാടിയിൽ അദ്ദേഹം പങ്കെടുത്തു. ലക്ഷദ്വീപിന് വലുപ്പം ചെറുതായിരിക്കാം, പക്ഷേ അതിൻ്റെ ഹൃദയം വളരെ വലുതാണ്. ബംഗാരം ഐലൻഡ് ടെന്റ് സിറ്റി റിസോർട്ട് ഒരു ടൂറിസ്റ്റ് വിപ്ലവമാണ്. 17,500 ചതുരശ്ര മീറ്റർ വിസ്ത‌ീർണമുള്ള ലോകോത്തര ആതിഥേയത്വമാണെന്നും അദ്ദേഹം വ്യക്തമാക്കി. അഡ്‌മിനിസ്ട്രേറ്റർ പ്രഫുൽ പട്ടേൽ,…

അഗത്തി: ത്രിദിന സന്ദർശനത്തിനായി ഉപരാഷ്ട്രപതി ജഗ്ദീപ് ധൻകർ ഇന്ന് ലക്ഷദ്വീപിലെത്തും. അദ്ദേഹത്തിന്റെ അദ്യലക്ഷദ്വീപ് സന്ദർശനമാണിത്. ഇന്ന് അഗത്തിയിൽ നടക്കുന്ന പൊതുപരിപാടിയിൽ  ഉപരാഷ്ട്രപതി നിരവധി പദ്ധതികൾ ഉദ്ഘാടനം ചെയ്യും. അഗത്തി പഞ്ചായത്ത് സ്റ്റേജിലാണ് ചടങ്ങുകൾ. ഞായറാഴ്ച സ്വാശ്രയ ഗ്രൂപ്പുകളിലെ അംഗങ്ങളുമായും ഗുണഭോക്താക്കളുമായും ഉപരാഷ്ട്രപതി സംവദിക്കും. ഉപരാഷ്ട്രപതിയുടെ സന്ദർശനത്തിന്റെ ഭാഗമായി അഗത്തി, ബംഗാരം, തിണ്ണകര എന്നീ ദീപുകളുടെ ചുറ്റുവട്ടത്ത് മത്സ്യബന്ധനം സർക്കാർ നിരോധിച്ചിട്ടുണ്ട്. വലിയ സുരക്ഷാ സംവിധാനങ്ങളാണ് ഉപരാഷ്ട്രപതിയുടെ സന്ദർശനത്തോടെ അനുബന്ധിച്ച് അകത്തിയിൽ ഏർപ്പെടുത്തിയിരിക്കുന്നത്.