Dweep Diary is a dedicated news platform bringing you the latest updates, stories, and insights from the Lakshadweep islands.
ഡോ. സീജി.പൂക്കോയ കൽപേനി എന്റെ സ്ക്കൂൾ അഡ്മിഷനു മുമ്പ് നടന്ന എത്രയോ സംഭവങ്ങൾ എന്റെ ഓർമയിൽ ഇപ്പോഴും തങ്ങി നിൽക്കുന്നുണ്ട്. അതിൽ പ്രധാനപ്പെട്ട ഒരു സംഭവം കൽപേനിയുടെ തെക്കെ അറ്റത്തുള്ള മുഹിയുദ്ദീൻ പള്ളി ഞാൻ ആദ്യം കണ്ടതാണ്. അന്ന് ഒരു പെരുന്നാൾ ദിനം. വൈകുന്നേരം സൂര്യൻ അസ്തമിച്ചിട്ടില്ല. ഞാൻ എന്റെ മൂത്ത ജ്യേഷ്ഠൻ ആറ്റ (ആറ്റക്കോയ) യുടെ കൈ പിടിച്ചു നടന്നു നടന്നു പൊന്നേം പള്ളി കഴിഞ്ഞു കൽപേനിയുടെ തെക്ക് ഭാഗത്ത് എത്തി. കുന്നാംകുലം വീട്ടിന്റെ പടിഞ്ഞാറ്…
ലക്ഷദ്വീപിലെ മത്സ്യത്തൊഴിലാളികൾക്കെതിരെ ദ്വീപ് ഭരണകൂടം ഏകപക്ഷീയമായ നടപടികൾ സ്വീകരിക്കുന്നുണ്ടെന്ന് ആരോപിച്ച് NCP(SP) സംസ്ഥാന കമ്മിറ്റി പ്രതിഷേധം സംഘടിപ്പിക്കാൻ ആഹ്വാനം ചെയ്തു. 2025 ഫെബ്രുവരി 1-ന് കവരത്തി ദ്വീപിൽ മത്സ്യത്തൊഴിലാളികളുടെ ഷെഡുകളും സാധനസാമഗ്രികളും ഭരണകൂടം പൊളിച്ചതിനെതിരെയാണ് ഈ പ്രതിഷേധം. കേരള ഹൈക്കോടതിയുടെ അനുകൂല വിധി ഉണ്ടായിട്ടും മത്സ്യത്തൊഴിലാളികളുടെ ആവശ്യങ്ങൾ പരിഗണിക്കാതെ ഭരണകൂടം തുടർന്നും ഈ നടപടി തുടർന്നുകൊണ്ടിരിക്കുകയാണ്. ഇതിനൊപ്പം, ബംഗാരം, തിണ്ണകര ദ്വീപുകളിലെ സ്വകാര്യ ഭൂമികൾ വൻകിട ടൂറിസം കമ്പനികൾക്ക് ഭരണകൂടം അനുവാദം നൽകി പിടിച്ചെടുക്കാൻ ശ്രമിക്കുന്നതായും ആരോപണമുണ്ട്….
കവരത്തി: മത്സ്യത്തൊഴിലാളികൾക്ക് മേലുള്ള ലക്ഷദ്വീപ് ഭരണകൂടത്തിന്റെ കയ്യേറ്റങ്ങൾ ഒരിക്കലും അംഗീകരിക്കുവാൻ സാധിക്കാത്തതാണെന്ന് ലക്ഷദ്വീപ് ടെറിട്ടോറിയൽ കോൺഗ്രസ് കമ്മിറ്റി. ഹൈക്കോടതിയുടെ നിർദ്ദേശങ്ങൾ പാലിക്കാതെ തൊഴിലാളികൾക്കെതിരെ ശത്രുതാ മനോഭാവത്തോടെ പ്രവർത്തിക്കുന്ന ഭരണകൂടത്തിന്റെ രീതി അംഗീകരിക്കാൻ സാധ്യമല്ലെന്ന് കമ്മിറ്റി വ്യക്തമാക്കി. മത്സ്യബന്ധന തൊഴിലാളികൾക്ക് ഉപയോഗിക്കാൻ കഴിയുന്ന ഭൂമി രേഖാമൂലം നൽകി അവരുടെ ഉപജീവന മാർഗം തുടരാനുള്ള നടപടികൾ സ്വീകരിക്കണമെന്നും കോൺഗ്രസ് ആവശ്യപ്പെട്ടു. മത്സ്യബന്ധന തൊഴിലാളികളുടെ നീതിക്കുവേണ്ടിയുള്ള പോരാട്ടത്തിന് കോൺഗ്രസ് പാർട്ടിയുടെയും എം.പിയുടെയും നിയമപരവും രാഷ്ട്രീയവുമായ പിന്തുണ ഉണ്ടാകുമെന്നും പ്രസ്താവനയിൽ സൂചിപ്പിച്ചു. ലക്ഷദ്വീപ്…
ചെത്ത്ലാത്ത്: ഫെബ്രുവരി 17ന് ചെത്ത്ലാത്ത് ദ്വീപ് വെച്ച് നടക്കുന്ന ഇന്റർ ഐലൻ്റ് പ്രൈസ് മണി ക്രിക്കറ്റ്‌ ടൂർണമെൻ്റിന്റെ ലോഗോ പ്രകാശനം ചെയ്തു. എ.പി.ജെ.എ.കെ ഗവർമെൻ്റ് സീനിയർ സെക്കൻഡറി സ്കൂളിൽ നടന്ന ചടങ്ങിൽ ചെത്ത്ലാത്ത് ബ്ലോക്ക് ഡെവലപ്മെൻ്റ് ഓഫീസർ ചെറിയകോയ ലോഗോ പ്രകാശനം ചെയ്തു. ചടങ്ങിൽ പ്രിൻസിപ്പാൾ ഹാജറാ ടീച്ചർ, ചെത്ത്ലാത്ത് ക്രിക്കറ്റ്‌ അസോസിയേഷൻ പ്രസിഡന്റ് മുഹമ്മദ് കാസിം ടി ടി, ഫിസിക്കൽ എജുക്കേഷൻ ടീച്ചർ അക്‌ബർ അലി, മുൻ സി.സി.എ പ്രസിഡന്റ് കാസിം. ബി പി, റീജിയണൽ…
ചെത്ത്ലാത്ത്: കവരത്തി ദ്വീപിയിലെ മത്സ്യത്തൊഴിലാളികൾക്കെതിരെയുണ്ടായ ലക്ഷദ്വീപ് ഭരണകൂടത്തിൻ്റെ അതിക്രമം അപലപനീയമെന്ന് സാമൂഹ്യ പ്രവർത്തകനും മുൻ എ.എ.സി അംഗവുമായ എ മിസ്ബാഹ്. നിയമപാലകർ നിയമം ലംഘിക്കുകയും മദ്യത്തിനും മദിരാശിക്കും ലക്ഷദ്വീപിനെ വിട്ടുകൊടുക്കാനുള്ള പുറപ്പാടുമാണ് തലസ്ഥാനത്ത് കണ്ടതെന്നും അദ്ദേഹം കുറ്റപ്പെടുത്തി. സാമൂഹ്യ മാധ്യമങ്ങളിലൂടെയാണ് എ മിസ്ബാഹ് തൻ്റെ പ്രതികരണം പങ്കുവെച്ചത്. മിസ്ബാഹിന്റെ ഫേസ്ബുക്ക് പോസ്റ്റിന്റെ പൂർണ്ണരൂപം: നിയമപാലകർ നിയമലംഘനം നടത്തിയ നേർക്കാഴ്‌ചയാണ് ഇന്നലെ തലസ്ഥാനദ്വീപിൽ കണ്ടത്. തീരദേശ നിയമത്തിൽ സംരക്ഷിക്കേണ്ടവരെ ബലം പ്രയോഗിച്ച് ആട്ടിയിറക്കി അവിടെ അന്യർക്ക് മദ്യത്തിനും മദിരാശിക്കും…
കവരത്തി: മത്സ്യബന്ധന തൊഴിലാളികൾക്ക് സൗകര്യ പ്രദമായി മത്സ്യബന്ധന പ്രവർത്തനങ്ങൾക്കുള്ള സ്‌ഥല സൗകര്യം എല്ലാ ദ്വീപിലും ഭരണകുടം അനുവദിക്കണമെന്ന് ലക്ഷദ്വീപ് എം.പി ഹംദുള്ള സഈദ് ആവശ്യപ്പെട്ടു. ലക്ഷദ്വീപിന്റെ സാമ്പത്തിക ഭദ്രതയ്ക്ക് വലിയ സംഭാവന നൽകുന്ന വിഭാഗമാണ് മത്സ്യതൊഴിലാളികൾ, അവരുടെ അധ്വാനത്തെ അപമാനിക്കുകയല്ല ആദരിക്കുകയാണ് ദ്വീപ് ഭരണാധികാരികൾ ചെയ്യേണ്ടതെന്നും എം.പി ഹംദുള്ള സഈദ് പറഞ്ഞു. കവരത്തി പടിഞ്ഞാറ് ജെട്ടിക്ക് പരിസരത്തിൽ വർഷങ്ങളായി ഫിഷർമാന്മാർ ഉപയോഗിച്ചു വന്നിരുന്ന ബോട്ടുകൾ കയറ്റാനും മറ്റ് മത്സ്യസംസ്ക്കരണത്തിനും അനുബന്ധ പ്രവർത്തനങ്ങൾക്കു മായി ഉപയോഗിച്ചുവരുന്ന താൽക്കാലിക സംവിധാനങ്ങൾ…
കവരത്തി. ഫെബ്രു 1 . കവരത്തി ജെട്ടിയുടെ വടക്കുഭാഗത്തുള്ള മത്സ്യത്തൊഴിലാളികളുടെ ഷെഡ്ഡും മാസ് നിർമ്മാണ സാമഗ്രികളും പൊളിച്ചുമാറ്റി. മത്സ്യത്തൊഴിലാളികളുടെ ഷെഡും മറ്റും കടൽക്കരയിലുള്ള അക്രീറ്റഡ് ലാൻഡിൽ ഉള്ള ഷെഡും മറ്റ് അനുബന്ധ നിർമ്മിതികളും പൊളിക്കുന്നതിനു മുമ്പ് തൊഴിലാളികൾക്ക് ബദൽ സംവിധാനം ഒരുക്കി നൽകണം എന്നിട്ട് വേണം പൊളിച്ചു മാറ്റാൻ എന്ന കേരള ഹൈക്കോടതി വിധിയെ കാറ്റിൽ പറത്തി കൊണ്ടാണ് ഇന്ന് രാവിലെ പോലീസിനെ കൊണ്ട് ലക്ഷദ്വീപ് അഡ്മിനിസ്ട്രേഷൻ ബലമായി ഷെഡുകൾ പൊളിച്ചു മാറ്റിച്ചത്. മാത്രമല്ല അതിന്റെ ഇരകൾക്ക്…
ലക്ഷദ്വീപിന്റെ സംസ്ക്‌കാരവും കലകളും അത്തറിന്റെ നറുമണവും ഭക്ഷണ രുചികളുമറിയാൻ പയ്യന്നൂരിൽ സൗകര്യമൊരുക്കി. തായിനേരി എസ്എബിടിഎം ഹയർസെക്കൻഡറി സ്‌കൂളിൻ്റെ ശതാബ്ദി ആഘോഷങ്ങളുടെ ഭാഗമായാണ് ‘അത്തോളു ഈദു’ എന്ന പേരിൽ രണ്ടു ദിവസങ്ങളിലായി ലക്ഷദ്വീപിനെ പരിചയപ്പെടുത്തുന്നത്. സ്‌കൂൾ ഓഡിറ്റോറിയത്തിൽ എം വിജിൻ എംഎൽഎ അത്തോളു ഈദു ഉദ്ഘാടനംചെയ്തു. സ്‌കൂൾ മാനേജർ എം പി അബ്ദുൾ മുത്തലിബ് അധ്യക്ഷനായി. കേരള ഫോക് ലോർ അക്കാദമി പ്രോഗ്രാം ഓഫീ സർ പി വി ലാവ്‌ലിൻ പ്രഭാഷണം നടത്തി. ഹബീബ് കടമ്മത്ത് ലക്ഷദ്വീപിനെ പരിചയപ്പെടുത്തി….
ആന്ത്രോത്ത്: മദ്രസാ പഠന സമയം രാവിലെ 6.30 എന്നുള്ളത് ഏഴ് മണിയിലേക്ക് മാറ്റണമെന്നാവശ്യപ്പെട്ട് മദ്രസാ മാനേജ്മെൻ്റിന് നിർദ്ദേശം നൽകിയിരിക്കുകയാണ് ആന്ത്രോത്ത് ഡെപ്യൂട്ടി കലക്ടർ ശ്രീ.ബുസർ ജം ഹർ.രാവിലെ സൂര്യൻ ഉദിക്കുന്നത് 7.05നാണ്. എന്നാൽ വിദ്യാർത്ഥികൾ മദ്രസ ക്ലാസ് ആരംഭിക്കുന്നത് 6.30നാണ്. ആറ് മണി മുതൽ കുട്ടികൾ മദ്രസയിലേക്ക് പോയിത്തുടങ്ങുന്നു. ഈ സമയത്ത് വഴികളിൽ വേണ്ടത്ര പ്രകാശം ഉണ്ടായിരിക്കുകയില്ല. ആളുകൾ കൂടുതലും ഉറക്കത്തിലുമായിരിക്കും. ഈ സമയത്ത് കുട്ടികളെ മദ്രസയിലേക്ക് അയക്കുന്നത് ബുദ്ധിമുട്ടുള്ള കാര്യമാണ്‌. ഇക്കാര്യങ്ങൾ എല്ലാം പരിഗണിച്ച് കുറേ…
മുംബൈ: മുംബൈ തുറമുഖത്തിൽ അറ്റകുറ്റപ്പണികൾക്കായി കൊണ്ട് പോയ എം.വി. കവരത്തി, എം.വി. കോറൽസ് എന്നീ ലക്ഷദ്വീപ് ഭരണകൂടത്തിന്റെ യാത്ര കപ്പലുകളുടെ മെയിൻറനൻസ് പുരോഗതി വിലയിരുത്താൻ മുംബൈ പോർട്ടിൽ അഡ്വ.ഹംദൂള്ള സഈദ് സന്ദർശിച്ചു. കപ്പലുകളുടെ അറ്റകുറ്റപണികൾ സമയബന്ധിതമായി പൂർത്തിയാക്കാൻ കാലതാമസം വന്നതിനാൽ യാത്രാരംഗത്ത് പ്രതിസന്ധി രൂപപ്പെട്ട സാഹചര്യത്തിലാണ് അറ്റകുറ്റപ്പണികളുടെ പുരോഗതി വിലയിരുത്താനും നടപടികൾ വേഗത്തിലാക്കാനും എംപി കപ്പലുകൾ സന്ദർശിച്ചത്. അറുനൂറ് യാത്രക്കാരെയും ചരക്കും വഹിക്കാൻ ശേഷിയുള്ള എം വി കവരത്തി ലക്ഷദ്വീപിൽ സർവീസ് നടത്തുന്ന ഏറ്റവും വലിയ യാത്രാ…