ന്യൂഡൽഹി: ലക്ഷദ്വീപ് നിവാസികൾ നേരിടുന്ന കപ്പൽ യാത്രാ പ്രശ്‌നങ്ങൾ സംബന്ധിച്ച് എൻസിപി (എസ്.പി) നാഷണൽ ജനറൽ സെക്രട്ടറി പി.പി. മുഹമ്മദ് ഫൈസലും ലക്ഷദ്വീപ് സംസ്ഥാന പ്രസിഡന്റ് അഡ്വ. കോയ അറഫ മിറാജും ഷിപ്പിങ് സെക്രട്ടറി ടി.കെ. രാമചന്ദ്രൻ ഐ.എ.എസുമായി ചർച്ച നടത്തി.
ദ്വീപ് നിവാസികൾക്ക് 10 മാസത്തിലേറെയായി ഒരേയൊരു കപ്പലിൽ മാത്രം യാത്ര ചെയ്യേണ്ടി വരുന്നത് വലിയ ബുദ്ധിമുട്ടുണ്ടാക്കുന്നതായി നേതാക്കൾ ചൂണ്ടിക്കാട്ടി. കൂടുതൽ കപ്പലുകൾ ക്രമീകരിച്ച് യാത്രാ സൗകര്യങ്ങൾ മെച്ചപ്പെടുത്തണമെന്ന് അവർ ആവശ്യപ്പെട്ടു. ഈ വിഷയത്തിൽ ഉടൻ പരിഹാരം കാണുമെന്ന് അദ്ദേഹം ഉറപ്പ് നൽകിയതായി നേതാക്കൾ വ്യക്തമാക്കി.
ലക്ഷദ്വീപ് നിവാസികളുടെ ദൈനംദിന യാത്രാ സൗകര്യങ്ങൾ മെച്ചപ്പെടുത്തുന്നതിനായി അടിയന്തിരമായി നടപടികൾ സ്വീകരിക്കുമെന്നാണ് പ്രതീക്ഷ. പാർട്ടി ദ്വീപ് നിവാസികളുടെ പ്രശ്‌നങ്ങൾ പരിഹരിക്കാനുള്ള ഇടപെടലുകൾ തുടരുമെന്നും, ജനങ്ങളുടെ അവകാശങ്ങൾ ഉറപ്പാക്കാൻ ശക്തമായ ശ്രമം നടത്തുമെന്നും എൻസിപി (എസ്.പി) നേതാക്കൾ അറിയിച്ചു
