കവരത്തി: പണ്ടാരം ഭൂമിയിൽ നിർമ്മാണ പ്രവർത്തനങ്ങൾ നടത്തുന്നത് ഇനി മുതൽ കർശനമായി നിരോധിച്ചു. റവന്യു വകുപ്പ് പുറപ്പെടുവിച്ച സർക്കുലറിലാണ് ഈ നിർദേശം. നിലവിൽ പണ്ടാരം ഭൂമികളിൽ നടക്കുന്ന അനധികൃത നിർമാണ പ്രവർത്തനങ്ങൾ ഉടൻ നിർത്തേണ്ടതും ഇനിയുള്ള പ്രവർത്തനങ്ങൾക്ക് മുമ്പായി ആവശ്യമായ അനുമതികൾ ഉറപ്പാക്കേണ്ടതുമാണ് സർക്കുലറിൽ വ്യക്തമാക്കിയിരിക്കുന്നത്.
പണ്ടാരം ഭൂമികൾ പൊതുഉദ്ദേശങ്ങൾക്കായുള്ളതായതിനാൽ സ്വകാര്യ നിർമ്മാണങ്ങൾ ചെയ്യുന്നതിന് അനുമതിയില്ല. അതിനാൽ തന്നെ, നിലവിൽ ആരംഭിച്ചിട്ടുള്ള അല്ലെങ്കിൽ പദ്ധതിയിട്ടിട്ടുള്ള കെട്ടിടനിർമാണങ്ങൾ തടഞ്ഞുനിര്‍ത്തുകയും, നിയമപരമായ നടപടികൾ സ്വീകരിക്കാനുള്ള നിർദ്ദേശം ബന്ധപ്പെട്ട വകുപ്പുകൾക്ക് നൽകുകയും ചെയ്തിട്ടുണ്ട്.
