ലക്ഷദ്വീപിൽ DANICS ഉദ്യോഗസ്ഥർക്ക് പുതിയ ചുമതലകൾ; ഭരണ തലത്തിൽ പുനഃക്രമീകരണം

കവരത്തി: ലക്ഷദ്വീപ് ഭരണകൂടത്തിന് കീഴിൽ പ്രവർത്തിക്കുന്ന DANICS ഉദ്യോഗസ്ഥരുടെ ചുമതലകൾ പുനഃക്രമീകരിച്ച് ഉത്തരവിറക്കി. 2026 സെപ്റ്റംബർ 2-ന് ലക്ഷദ്വീപ് ഭരണകൂടത്തിന്റെ സെക്രട്ടേറിയറ്റ്–സർവീസസ് വിഭാഗമാണ് ഉത്തരവ് പുറപ്പെടുവിച്ചത്.

ഉത്തരവ് പ്രകാരം ശ്രീ വിക്രം സിംഗാൾ (DANICS: 2010) ഡയറക്ടർ (ഹെൽത്ത്), മിഷൻ ഡയറക്ടർ (NHM), ഡയറക്ടർ (ലീഗൽ മെട്രോളജി), ഡയറക്ടർ (പ്രിന്റിംഗ് & സ്റ്റേഷനറി), ഡയറക്ടർ (ആർട്സ് & കൾച്ചർ), സെക്രട്ടറി (കലാ അക്കാദമി), അഡ്മിനിസ്ട്രേറ്റർ (LCMF) എന്നീ ചുമതലകൾ വഹിക്കും.

ശ്രീ എം. ഭരണി (DANICS: 2020) ഡയറക്ടർ (എഡ്യൂക്കേഷൻ), ഡയറക്ടർ (സ്പോർട്സ് & യൂത്ത് അഫയേഴ്സ്), ഡയറക്ടർ (ഇൻഫർമേഷൻ ടെക്നോളജി), ഡയറക്ടർ (ഇൻഡസ്ട്രീസ്), ഡയറക്ടർ (ലോ) എന്നീ ചുമതലകൾ ഏറ്റെടുക്കും.

ശ്രീ അവിനാഷ് സിംഗ് (DANICS: 2022) സ്പെഷ്യൽ സെക്രട്ടറി (ഫിനാൻസ്), സ്പെഷ്യൽ സെക്രട്ടറി (ഹോം), സ്പെഷ്യൽ സെക്രട്ടറി (സർവീസസ്), സ്പെഷ്യൽ സെക്രട്ടറി (വിജിലൻസ്), ഡയറക്ടർ (അർബൻ ഡെവലപ്മെന്റ്), ഡയറക്ടർ (റൂറൽ ഡെവലപ്മെന്റ്), ഡയറക്ടർ (പഞ്ചായത്ത്) എന്നീ ചുമതലകൾ വഹിക്കും.

ശ്രീ മുകുന്ദ് വല്ലഭ് ജോഷി (DANICS: 2022) ഡയറക്ടർ (ഫിഷറീസ്), ഡയറക്ടർ (അഗ്രികൾച്ചർ), ഡയറക്ടർ (അനിമൽ ഹസ്ബൻഡ്രി), ഡയറക്ടർ (പ്ലാനിംഗ് സ്റ്റാറ്റിസ്റ്റിക്സ് & ടാക്സേഷൻ), ഡയറക്ടർ (റോഡ് ട്രാൻസ്പോർട്ട്), ഡയറക്ടർ (ഇൻഫർമേഷൻ & പബ്ലിക് റിലേഷൻസ്), ഡയറക്ടർ (സയൻസ് & ടെക്നോളജി), മാനേജിംഗ് ഡയറക്ടർ (LCMF) എന്നീ ചുമതലകൾ നിർവഹിക്കും.

ശ്രീ ജഗദീഷ് ശർമ്മ (DANICS: 2024) അഡീഷണൽ ഡിസ്ട്രിക്ട് മജിസ്ട്രേറ്റ്, ഡെപ്യൂട്ടി കളക്ടർ (കവരത്തി), ഡയറക്ടർ (ജനറൽ അഡ്മിനിസ്ട്രേഷൻ & പ്രോട്ടോക്കോൾ), ചീഫ് എക്സിക്യൂട്ടീവ് ഓഫീസർ (ഡിസ്ട്രിക്ട് പഞ്ചായത്ത്) എന്നീ ചുമതലകൾ വഹിക്കും.

അതേസമയം ശ്രീ ശശി കുമാർ (DANICS: 2025) ഡെപ്യൂട്ടി കളക്ടർ (ചെത്ത്ലത്ത്, കിൽത്താൻ, ബിത്ര), ഹെഡ്ക്വാർട്ടേഴ്സ് അറ്റ് കിൽത്താൻ എന്നീ ചുമതലകളാണ് വഹിക്കുക.

അഡ്മിനിസ്ട്രേറ്ററുടെ അഡ്വൈസറുടെ അംഗീകാരത്തോടെയാണ് പുതിയ ചുമതല ക്രമീകരണം പുറത്തിറക്കിയിരിക്കുന്നത്. ബന്ധപ്പെട്ട ഉദ്യോഗസ്ഥർക്കും UTLA-യ്ക്ക് കീഴിലുള്ള എല്ലാ വകുപ്പ് മേധാവികൾക്കും ഉത്തരവിന്റെ പകർപ്പ് നൽകിയിട്ടുണ്ട്.