യാത്രാ കപ്പലുകളിലെ എമർജൻസി ക്വാട്ട (EQ) ബുക്കിംഗ് സംവിധാനം പൂർണ്ണമായും ഓൺലൈനിലേക്ക് മാറ്റുന്നു. അഡ്മിനിസ്ട്രേറ്റീവ്, മെഡിക്കൽ, ഫ്ലൈറ്റ് കണക്ഷൻ എന്നീ വിഭാഗങ്ങളിലെ ക്വാട്ടകൾക്കായി ഇനി മുതൽ യൂസർ പോർട്ടൽ വഴി അപേക്ഷിക്കണം.
പ്രധാന മാറ്റങ്ങൾ:
- അപേക്ഷാ തീയതി: 2026 മാർച്ച് 20 മുതലുള്ള കപ്പൽ യാത്രകൾക്കായി, മാർച്ച് 18 മുതൽ ഓൺലൈൻ അപേക്ഷകൾ സമർപ്പിച്ചു തുടങ്ങാം.
- കൗണ്ടർ ബുക്കിംഗ് നിർത്തലാക്കി: മാർച്ച് 18-ന് ശേഷം കൗണ്ടറുകൾ വഴി നേരിട്ടുള്ള EQ അപേക്ഷകൾ സ്വീകരിക്കുന്നതല്ല.
- സമയപരിധി: കപ്പൽ പുറപ്പെടുന്നതിന് തൊട്ടുതലേദിവസം ഉച്ചയ്ക്ക് 12 മണിക്ക് മുമ്പായി അപേക്ഷകൾ ഓൺലൈനായി സമർപ്പിച്ചിരിക്കണം. അതിനുശേഷം ലഭിക്കുന്ന അപേക്ഷകൾ പരിഗണിക്കുന്നതല്ല.
അംഗീകാരവും അറിയിപ്പും:
ഓൺലൈനായി ലഭിക്കുന്ന അപേക്ഷകൾ യു.ടി.എൽ.എ (UTLA) പരിശോധിച്ച ശേഷം അംഗീകാരം നൽകും. അപേക്ഷയുടെ നിലവിവരവും (Status) എമർജൻസി ക്വാട്ട ഐഡിയും (EQ ID) യാത്രക്കാരെ SMS, ഇമെയിൽ എന്നിവ വഴി നേരിട്ട് അറിയിക്കുന്നതാണ്.
യാത്രക്കാർക്ക് കൂടുതൽ സുതാര്യവും എളുപ്പവുമായ സേവനം ഉറപ്പാക്കുന്നതിനാണ് ബുക്കിംഗ് നടപടികൾ പൂർണ്ണമായും ഓൺലൈനാക്കുന്നത് എന്ന് അധികൃതർ അറിയിച്ചു.
