കവരത്തിയിൽ ബഹുജന പ്രക്ഷോഭം

ലക്ഷദ്വീപ് അഡ്മിനിസ്ട്രേഷന്റെ ജനവിരുദ്ധ നയങ്ങൾക്കെതിരെ ലക്ഷദ്വീപ് സ്റ്റുഡന്റ്സ് അസോസിയേഷന്റെ (LSA) നേതൃത്വത്തിൽ കവരത്തി സെൻട്രൽ സ്കൂൾ സ്റ്റേഡിയത്തിൽ ബഹുജന പ്രക്ഷോഭം സംഘടിപ്പിച്ചു.

ലക്ഷദ്വീപ് മുൻ എം.പി. പി.പി. മുഹമ്മദ് ഫൈസൽ പ്രക്ഷോഭം ഉദ്ഘാടനം ചെയ്തു. ദ്വീപ് സമൂഹത്തിന്റെ താൽപര്യങ്ങളെയും ജനങ്ങളുടെ അവകാശങ്ങളെയും ബാധിക്കുന്ന അഡ്മിനിസ്ട്രേഷന്റെ വിവിധ നയങ്ങൾക്കെതിരെയുള്ള പ്രതിഷേധത്തിന്റെ ഭാഗമായാണ് ബഹുജന പ്രക്ഷോഭം സംഘടിപ്പിച്ചത്.

പ്രക്ഷോഭത്തിൽ വിദ്യാർത്ഥികൾ ഉൾപ്പെടെ നിരവധി നാട്ടുകാരും വിവിധ രാഷ്ട്രീയ സാമൂഹിക പ്രവർത്തകരും പങ്കെടുത്തു. ലക്ഷദ്വീപിലെ ജനകീയ വിഷയങ്ങളിൽ പ്രതിഷേധവും ഐക്യദാർഢ്യവും ഉയർത്തിക്കൊണ്ടാണ് പരിപാടി നടന്നത്.