കിൽത്താൻ ദ്വീപിന്റെ പ്രിയ ഡോക്ടർ കെ.പി. മുഹമ്മദ് ഖാൻ മരണപ്പെട്ടു

കിൽത്താൻ: കിൽത്താൻ ദ്വീപ് ആശുപത്രിയിലെ മെഡിക്കൽ ഓഫീസറായ ഡോ. കെ.പി. മുഹമ്മദ് ഖാൻ (മാമ്മാ ഡോക്ടർ) മരണപ്പെട്ടു. 18.10.2026-ന് രാത്രി  കിൽത്താൻ ആശുപത്രിയിൽ വെച്ചായിരുന്നു അന്ത്യം.

കിൽത്താൻ ദ്വീപിൽ പ്രാഥമിക വിദ്യാഭ്യാസം പൂർത്തിയാക്കിയ അദ്ദേഹം കവരത്തിയിൽ നിന്നാണ് ഹയർ സെക്കൻഡറി പഠനം പൂർത്തിയാക്കിയത്. തുടർന്ന് ചെന്നൈയിലെ സ്റ്റാൻലി മെഡിക്കൽ കോളേജിൽ നിന്ന് എം.ബി.ബി.എസ്. ബിരുദം നേടി. കിൽത്താൻ ദ്വീപിൽ നിന്ന് മെഡിക്കൽ ബിരുദം നേടിയ ആദ്യ വ്യക്തിയെന്ന നിലയിലും നാട്ടുകാർക്കിടയിൽ അദ്ദേഹം ശ്രദ്ധേയനായിരുന്നു.

സേവനമനോഭാവവും നാട്ടുകാരോടുള്ള അടുപ്പവും കൊണ്ട് ദ്വീപിലെ ജനങ്ങളുടെ പ്രിയപ്പെട്ട ഡോക്ടറായി അദ്ദേഹം മാറി. നാട്ടുകാർ സ്നേഹപൂർവം ‘മാമ്മാ ഡോക്ടർ’ എന്നായിരുന്നു അദ്ദേഹത്തെ വിളിച്ചിരുന്നത്. അദ്ദേഹത്തിന്റെ വിയോഗം കിൽത്താൻ ദ്വീപിന് തീരാനഷ്ടമാണ്.

ഇന്നാ ലില്ലാഹി വ ഇന്നാ ഇലൈഹി രാജിഊൻ.

പരേതന്റെ പരലോകജീവിതം അല്ലാഹു സന്തോഷപൂർണമാക്കട്ടെയെന്നും കുടുംബാംഗങ്ങൾക്കും ബന്ധുക്കൾക്കും സുഹൃത്തുക്കൾക്കും ഈ വിയോഗം താങ്ങാനുള്ള ക്ഷമയും സമാധാനവും നൽകട്ടെയെന്നും പ്രാർഥിക്കുന്നു. ആമീൻ.