സ്വകാര്യ കെട്ടിടത്തിൽ കലക്ടർ അതിക്രമിച്ച് കയറിയെന്ന് ആരോപണം; ചോദ്യം ചെയ്ത ചെറിയ കോയ അറസ്റ്റിൽ

കവരത്തി: സ്വകാര്യ കെട്ടിടത്തിൽ കലക്ടർ അതിക്രമിച്ച് കയറിയെന്നാരോപിച്ച് ചോദ്യം ചെയ്ത മുൻ എൻവൈസി സംസ്ഥാന പ്രസിഡന്റ് കൂടിയായ സോഷ്യലിസ്റ്റ് ടോക്ക്സ് എഡിറ്റർ  ചെറിയ കോയയെ അറസ്റ്റ് ചെയ്തു. 

സ്വകാര്യ ഭൂമിയുമായി ബന്ധപ്പെട്ട വിഷയത്തിൽ കളക്ടർ ശിവം ചന്ദ്രയുടെ  ഇടപെടലിനെ ചോദ്യം ചെയ്തതിനെ തുടർന്നാണ് ചെറിയ കോയയെ അറസ്റ്റ് ചെയ്തതെന്നാണ്  റിപ്പോർട്ട്. സംഭവത്തിൽ ഭരണകൂടത്തിന്റെ നടപടിക്കെതിരെ പ്രതിഷേധവും ശക്തമാകുകയാണ്.

ചെറിയ കോയയുടെ അറസ്റ്റിനെതിരെ ഐക്യദാർഢ്യം പ്രഖ്യാപിച്ച് വിവിധ മേഖലകളിൽ നിന്നുള്ളവർ രംഗത്തെത്തിയിട്ടുണ്ട്. സ്വകാര്യ ഭൂമിയിലെ അവകാശങ്ങളും ജനങ്ങളുടെ നിയമപരമായ സ്വാതന്ത്ര്യങ്ങളും സംരക്ഷിക്കപ്പെടണമെന്നും, സംഭവത്തിൽ സമഗ്രമായ അന്വേഷണം നടത്തണമെന്നും ആവശ്യം ഉയരുന്നു.

അതേസമയം, സംഭവവുമായി ബന്ധപ്പെട്ട ഭരണകൂടത്തിന്റെ ഔദ്യോഗിക വിശദീകരണം പുറത്തുവന്നിട്ടില്ല. അറസ്റ്റ് ഉൾപ്പെടെയുള്ള നടപടികളുടെ യഥാർത്ഥ സാഹചര്യം വ്യക്തമാകാൻ ഔദ്യോഗിക വിശദീകരണം ആവശ്യമാണ്.