അഡ്വൈസർ ചെത്ലത്തിലും കിൽത്താനിലും — വികസന പ്രവർത്തനങ്ങൾ വിലയിരുത്തി

ലക്ഷദ്വീപ് അഡ്മിനിസ്ട്രേറ്ററുടെ അഡ്വൈസർ ഡോ. എസ് ബി ദീപക് കുമാർ ഒക്ടോബർ 14, 15 തീയതികളിൽ ചെത്ലത്, കിൽത്താൻ ദ്വീപുകളിലായി വിവിധ വികസന പദ്ധതികളുടെ പുരോഗതി വിലയിരുത്തി.

ഒക്ടോബർ 14-ന് രാവിലെ 10 മണിയോടെ ചെത്ലത്ത് ദ്വീപിലെത്തി അഡ്വൈസർ ആദ്യം ഹെലിപാഡിൽ സ്വീകരണ ചടങ്ങിൽ പങ്കെടുത്തു. തുടർന്ന് അയുഷ്മാൻ ആരോഗ്യ മണ്ഡിർ, ഡോ. എ.പി.ജെ. അബ്ദുൾ കലാം ഗവ. സീനിയർ സെക്കൻഡറി സ്കൂൾ, നടന്ന് കൊണ്ടിരിക്കുന്ന നന്ധ്‌ഘർ പദ്ധതി, നിർദ്ദേശിച്ച ഐ.ഒ.സി.എൽ ഔട്ട്‌ലെറ്റ് സ്ഥലം, ഡാക് ബംഗ്ലാവ് എന്നിവ സന്ദർശിച്ചു. ഡാക് ബംഗ്ലാവിൽ ഉച്ചഭക്ഷണത്തിനു ശേഷം അയുഷ് ഹോസ്പിറ്റൽ, പഴയ സ്കൂൾ കെട്ടിടം, ഹാച്ചറി ബിൽഡിംഗ്, സീവീഡ് സൈറ്റ്, സോളാർ പ്ലാന്റ്, എൽ.പി.ജി ഗോഡൗൺ തുടങ്ങിയ സ്ഥലങ്ങളും സന്ദർശിച്ചു. വൈകിട്ട് 3.35ന് ചെത്ലത്തിൽ നിന്ന് കിൽത്താനിലേക്കാണ് അഡ്വൈസർ യാത്ര തുടർന്നത്.

വൈകിട്ട് 4ന് കിൽത്താൻ ദ്വീപിലെത്തി അഡ്വൈസർക്ക് ഹെലിപാഡിൽ സ്വീകരണം നൽകി. തുടര്‍ന്ന് എൽ.ടി.ടി.ഡി പ്ലാന്റ്, സോളാർ പവർ പ്ലാന്റിനായുള്ള നിർദ്ദേശിച്ച സ്ഥലം, പുതിയ നന്ധ്‌ഘർ സൈറ്റ്, വെസ്റ്റേൺ സൈഡ് ജെട്ടി, പുതിയ ജെട്ടി നിർമാണത്തിന് നിർദ്ദേശിച്ച സ്ഥലം, ഐ.ഒ.സി.എൽ ഔട്ട്‌ലെറ്റ്, ഈസ്റ്റേൺ സൈഡ് എംബർക്കേഷൻ ഏരിയ, സിവിൽ സ്റ്റേഷൻ കെട്ടിടം എന്നിവ സന്ദർശിച്ചു.

ഒക്ടോബർ 15-ന് രാവിലെ പി.എം. ശ്രീ ഗവ. ജൂനിയർ ബേസിക് സ്കൂൾ, പ്രൈമറി ഹെൽത്ത് സെന്റർ, ഗവ. നഴ്സറി സ്കൂൾ (നോർത്ത്), ഗവ. സീനിയർ സെക്കൻഡറി സ്കൂൾ, പുതിയ നന്ധ്‌ഘർ, ഫിഷറീസ് വകുപ്പ് എന്നിവ സന്ദർശിച്ചു. എല്ലാ പദ്ധതികളുടെയും പുരോഗതി വിലയിരുത്തി ആവശ്യമായ നിർദ്ദേശങ്ങളും അഡ്വൈസർ നൽകി.
വികസന പ്രവർത്തനങ്ങളുടെ ഗുണനിലവാരവും വേഗതയും ഉറപ്പാക്കാൻ ആവശ്യമായ സഹകരണത്തോടെ മുന്നോട്ടുപോകണമെന്നും അഡ്വൈസർ വിവിധ വകുപ്പുകളോട് ആവശ്യപ്പെട്ടു.