കൊച്ചി: കേന്ദ്ര സമുദ്രമത്സ്യ ഗവേ ഷണ സ്ഥാപനത്തിന് (സി.എം. എഫ്.ആർ.ഐ) കീഴിലുള്ള ലക്ഷദ്വീപ് കൃഷി വിജ്ഞാന കേന്ദ്രത്തെ (കെ.വി.കെ) രാജ്യത്തെ ഏറ്റവും മികച്ച കെ.വി.കെയായി തെരഞ്ഞെടുത്തു. ലക്ഷദ്വീപിന് ഓർഗാനിക് ടെറിറ്ററി പദവി നേടിയെടുക്കാനുള്ള പ്രവർത്തനങ്ങൾ, കടൽപായൽ കൃഷി, കൂടുകൃഷി, പഴം-പച്ചക്കറി കൃഷി പ്രോത്സാഹനം തുടങ്ങിയവയാണ് കെ.വി.കെയെ ദേശീയ അക്കാദമി ഓഫ് അഗ്രികൾച്ചറൽ സയൻസസ് (നാസ്)- ധനുക പുരസ് കാരത്തിന് അർഹമാക്കിയത്.
ലക്ഷദ്വീപ് കൃഷിവകുപ്പുമായി സഹകരിച്ച് 10 ദ്വീപുകളിലെ കർഷകരെ ജൈവകൃഷി രീതികൾ പഠിപ്പിച്ചതിനെ തുടർന്ന് 2021ൽ കേന്ദ്ര സർക്കാർ ലക്ഷദ്വീപിനെ ജൈവ പ്രദേശമായി പ്രഖ്യാപിച്ചിരുന്നു. ലക്ഷദ്വീപ് കെ.വി.കെ മേധാവി ഡോ.പി.എൻ. ആനന്ദിന്റെ നേതൃത്വത്തിലാണ് കാർഷികവ്യാപന പരിപാടികൾ.
ലക്ഷദ്വീപ് കൃഷി വിജ്ഞാന കേന്ദ്രം രാജ്യത്തെ മികച്ച കെ.വി.കെ
