ലക്ഷദ്വീപ് സ്വദേശി ശ്രീ മുഹമ്മദ് ബാത്തിഷ പി.എൻ. കടലിൽ അപകടത്തിൽപ്പെട്ട ഒരാളെ രക്ഷിച്ച സംഭവത്തിൽ കാണിച്ച അസാധാരണ ധൈര്യത്തിനും സമയോചിതമായ ഇടപെടലിനും രാജ്യത്തിന്റെ അംഗീകാരം ലഭിച്ചു. ജീവൻ അപകടത്തിലായ ഒരാളെ കടലിൽ കണ്ടയുടെ യാതൊരു വൈമനസ്യവും കാണിക്കാതെ രക്ഷാപ്രവർത്തനത്തിലേക്ക് അദ്ദേഹം ചാടുകയായിരുന്നു.
സ്വന്തം ജീവൻ പോലും അപകടത്തിലാക്കിക്കൊണ്ട് നടത്തിയ സമയബന്ധിതമായ രക്ഷാപ്രവർത്തനത്തിലൂടെ മുങ്ങിമരിക്കുകയായിരുന്ന ആ വ്യക്തിയുടെ ജീവൻ രക്ഷിക്കാൻ അദ്ദേഹത്തിന് സാധിച്ചു. അപകടസമയത്ത് പ്രകടിപ്പിച്ച ധൈര്യവും മനുഷ്യസ്നേഹവും പൊതു സേവനത്തിന്റെ ഉന്നത മൂല്യങ്ങൾക്കുള്ള മികച്ച ഉദാഹരണമായെന്ന് അധികൃതർ അറിയിച്ചു.
ഈ അപൂർവ ധൈര്യപ്രകടനത്തിനുള്ള അംഗീകാരമായി രാഷ്ട്രപതി മുഹമ്മദ് ബാത്തിഷക്ക് ‘ജീവൻ രക്ഷാ പദക് ‘ (Jeevan Raksha Padak) പുരസ്കാരം പ്രഖ്യാപിച്ചു. ജീവൻ രക്ഷിക്കാൻ നടത്തിയ വീരകൃത്യങ്ങൾക്ക് നൽകുന്ന രാജ്യത്തിന്റെ പ്രമുഖ ബഹുമതികളിലൊന്നാണ് ഈ അവാർഡ്.
ലക്ഷദ്വീപിന് അഭിമാനമായി മാറിയ ഈ നേട്ടം, മനുഷ്യജീവിതത്തിന്റെ മൂല്യവും ധൈര്യത്തിന്റെ മഹത്വവും ഒരിക്കൽക്കൂടി ഓർമ്മിപ്പിക്കുകയാണ്.
