കവരത്തി: ലക്ഷദ്വീപിൽ നാഷണൽ ആയുഷ് മിഷൻ കീഴിൽ വിവിധ കരാർ അധിഷ്ഠിത തസ്തികകളിലേക്ക് അപേക്ഷ ക്ഷണിച്ചു. ഒരു വർഷത്തെ കാലയളവിനുള്ള നിയമനമാണ് പ്രഖ്യാപിച്ചിരിക്കുന്നത്. വ്യക്തികളുടെ സേവനപരമായ തൃപ്തികരമായ പ്രവർത്തനത്തെ അടിസ്ഥാനമാക്കി കാലാവധി നീട്ടാവുന്നതാണെന്നും അധികൃതർ അറിയിച്ചു.
തസ്തികകളുടെ പേര്, യോഗ്യത, പ്രതിമാസ വേതനം, പ്രായപരിധി എന്നിവ എംപ്ലോയ്മെന്റ് നോട്ടീസിനോടൊപ്പം ചേർത്തിട്ടുള്ള അനുബന്ധത്തിൽ നൽകിയിട്ടുണ്ട്. ആവശ്യമായ യോഗ്യതയും നിബന്ധനകളും പാലിക്കുന്ന ഉദ്യോഗാർത്ഥികൾ ഡിസംബർ 8 വൈകുന്നേരം 5 മണിക്ക് മുൻപ് ഗൂഗിൾ ഫോം വഴി അപേക്ഷ സമർപ്പിക്കണം.
റിക്രൂട്ട്മെന്റ് പ്രക്രിയയിലെ ഏതെങ്കിലും ഘട്ടത്തിൽ നോട്ടീസ് റദ്ദാക്കാനും തിരുത്താനും വകുപ്പിന് അവകാശമുണ്ട്. അപേക്ഷ സമർപ്പിക്കുമ്പോൾ കോഴ്സ് സർട്ടിഫിക്കറ്റ്, മാർക്ക് ലിസ്റ്റ്, ജനന സർട്ടിഫിക്കറ്റ് തുടങ്ങി ആവശ്യമായ രേഖകൾ അപ്ലോഡ് ചെയ്യേണ്ടതുണ്ട്.
നിശ്ചിത സമയത്തിന് ശേഷമുള്ള അപേക്ഷകൾ പരിഗണിക്കില്ല. അഭിമുഖത്തിന്റെ തീയതി, സമയം, ഓൺലൈൻ ലിങ്ക് തുടങ്ങിയ വിവരങ്ങൾ അപേക്ഷകർക്കു രജിസ്റ്റർ ചെയ്ത ഇമെയിൽ വഴി അറിയിക്കും. നിയമനം നാഷണൽ ആയുഷ് മിഷൻ മാർഗ്ഗനിർദ്ദേശങ്ങൾ പ്രകാരമായിരിക്കും.
അനുബന്ധത്തിൽ നൽകിയ തസ്തികകളും പ്രതിഫലവും
- നേചറോപതി & യോഗ തെറാപ്പിസ്റ്റ് – പ്രതിമാസം ₹40,000 (1 ഒഴിവ്)
- നേഴ്സിംഗ് സ്റ്റാഫ് (ആയുർവേദ) – ₹15,000 (2 ഒഴിവ്)
- ഫിസിയോതെറാപ്പിസ്റ്റ് – ₹18,000 (3 ഒഴിവ്; പരമാവധി പ്രായം 45)
- മെസ്യൂർ (പുരുഷൻ) – ₹12,000 (4 ഒഴിവ്)
- മെസ്യൂർ (സ്ത്രീ) – ₹12,000 (2 ഒഴിവ്)
- യോഗ ഇൻസ്ട്രക്ടർ – ₹12,000 (3 ഒഴിവ്)
